Шоай шахьарах бола бехктокхам кхетабу Илдарха-Гӏалий тӏарча бахархоша
14.05.2026 10:54
Шоай шахьарах дог лазилга хьахайташ ба Илдарха-Гӏалий тӏара бахархой. 2027-ча шера тоае еза моттигаш къоастаеча ерригача Россе хоржамашка дакъа лоацаш ба уж тахан.
«Вахарерча моттигий хьал тоадарах йолча къаман проекта шахьара куц эргадоаккхача федеральни проектага гӏолла, Илдарха-Гӏалий тӏара тоае еза моттигаш белгалъеча балха юкъе дакъа лоацаш, хьабоагӏа цигара бахархой. Бахархошта дизайн-проекташ йовзийташ, хоржамашта юкъе дакъа лацар мишта хила деза дӏахьокхаш, араваьнна лел тахан 20 гӏо ду саг», - дийцар тхога, цу моттигерча администрацеца бувзаме даьлча. Таханарча дийнахьа шахьарера сурт-проекташ хьахоржаш дакъа лаьцараш 4600 саг ва, бахархошка хьежжа оттадаьча таьрахьах 90% хул из.
