Шоай шахьар тоаяра тӏехьа, къахьега ловш ба Магӏалбикера бахархой
Магӏалбик, вайна массанена ма харра, дӏаьхий, доккха истори долаш шахьар я. Тахан цун моттигаш тоаяра тӏехьа къахьега ловш ба цигара бахархой. Шахьара моттигаш меттайоалаярах йолча программан юкъе бахархоша дакъа лоацаш хиларах, Магӏалбика куц хӏара денна эргадоалаш да. Укх шера шахьара урамаш тоадарах долча хоржамашка дакъа лаьцар 7 000 совгӏа бахархоша.
«Тӏадоагӏача шерарча бекарг бетта наькъаш тоаде, урамашкара лампаш хувца болалургба Магӏалбике. 2019-ча шера денз, хьабахьаш ба шахьара моттигаш тоаярах бола из лоархӏаме болх. Цу юкъа 50 совгӏа моттиг я тоае аьттув баьннараш. 2026-ча шера къаман проектага гӏолла Братски, Орцханаькъан, Коммунистически, Аьдагӏий оала урамаш тоадеш къахьега лерхӏ, Дала аьннадале», - дийцар «Сердалога» шахьара администраце.
Вахарера гӏулакхаш тоадарах йолча къаман проектага гӏолла йоаржаеш я шахьара моттигаш меттайоалярах йола программа. Хӏара российски шахьарера вахар бахархой бӏарг хьоасташ хургдолаш, дӏахьош беркате болх ба из. Хӏаьта Магӏалбике цу оагӏонга гӏолла машинаш лела керда наькъаш, гӏаш лелача наха дола наькъаш, наха салаӏа моттигаш тоаеш, лампаш йогӏаш, берашта, спорта лаьрхӏа доазош къоастадеш, зизаш, гаьнаш дӏайогӏаш къахьийгад.
Бахархоша шоаш хьахорж эггара хьалхарча оагӏонца тоае еза моттиг. Бахархой вахаре эшар хьаллоацаш болх хул цох, ишттача наькъаца дӏахьош хилча.
