Гӏалгӏай мехка моттигаш цӏена лоаттаю болам дӏахьоргба
Гӏалгӏай мехка, бекарга бетта 25-ча дийнахьа Ерригроссийски къахьегама шоатта дӏахьоргда, из хетадаь да тоаде деза доазонаш хоржаш кхадж тасса беза ди гаргадоагӏаш хилара, яхаш, дийцар «Сердало» газетага ГӏР Кулгалхочун зарбан болх лелабераша.
«Белгалду, из болх дӏахьош ба «Вахара хьалаш» яхача къаман проекта чубоагӏаш, из могаяьй Россе Президента Путин Владимира. Тахан федеральни боараме хьаллоацаш да шахьара дика хьал хьакхоллар, иштта юрташ дегӏайоалаяр», - аьлар республикан кулгалхочо Келаматанаькъан Махьмуд-Ӏаьлас.
Укх наькъа дикача гӏулакха юкъевоагӏаргва 2000 саг. Цар цӏендергда хьалха «Шахьара дика хьалаш хьакхоллар» яха федеральни проект кхоачашъеш хьахинна доазув. Шоатта дӏахьош чулоацаргья еррига республикан кхаленаш, шахьараш.
Цул совгӏа, из лостам беш бахархой таро хургья, кхадж тоссаш, белгалъе хьатӏадоагӏача шера тоае еза моттигаш.
Экологически болама юкъевенача хӏара сага таро я вай юрташ, урамаш, майдаш, паркаш цӏена, хоза, лостам болаш е.
