Россе бахархой довзаш ба ГӏалгӀайчен вахар
Россе Президента могаяь, «Туризм, хьаша тӀаэцар» яха къаман проект кхоачашъеш хилар бахьан долаш, ГӏалгӀайчен туристически оагӏонашцара Россе бахархой безам совбоалаш боагӀа, яхаш, дийцар «Сердало» газетага ГӀР Кулгалхочун зарбан болх лелабераша.
«Цо вайна таро лу керда наькъаш хьакхолла, паркаш, хин йистошкара хоза моттигаш тоае, хьаьший безам тӀабодаш вай республика дегӀайоалае. Россе дукхача моттигашкара нах вай лоамашка, къаьнарча гӀалашка хьажа ух», - аьлар республикан кулгалхочо Келаматанаькъан Махьмуд-Ӏаьлас.
Мехка туристически оагӀорахьа даь даьннар а дукха да. Иштта тоадаь даьлар Цӏай-Лоама дукъ, гойтама майдаш а йолаш. Цу моттиге баха а, хьажа а раьзабараш хӀара шера дукхагӀа хулаш боагӀа.
«Лоамий дувцараш» яхача проекто хьабеллаш ба цӀихезача гӀалашка вуга никъ, кхыметтел парашютаца чукхувсавалара клубага вигар а. Къаьстта йола оагӀув я «Тӏема сийлен шахьара – МагӀалбика» никъ бувцаш яр, моттигерча турпала оагӀонех дувцаш, дицлургдоаца наькъаш довзаш хул цига туристаш.
Мехкадас белгалдир, хӀара шера кхыча моттигашкара нах тӀакхеташ хилар, уж го безам болаш хул ГӏалгӀайчен тамашийна дуне.
Мехка Ӏаьдал лаьрхӀа да дӀахо а уж оагӀонаш дегӀайоалае, салоӀама моттигаш тоае, ГӏалгӀайчен туристически даькъ тӀа массайолча оагӀорахьара хозал хьакхолла.
