Пособи хьаийдеш, мехкахочо тийшаболх лелабарах дегабуам беш ба полице болхлой
14.08.2026 22:52
53 шу даьннача мехкахочунна духьала гӏулакх хьадийллад Илдарха-Гӏалий тӏарча СУ СК оагӏон тохкамхоша. РФ УК 3-ча даькъа 159 ст. из бехке хеташ ба полице болхлой. Паччахьалкхенгара пособи е кхыдола ахча хьаэцаш, тийшаболх кхостабаьрг лоархӏ из.
«Тохкама оагӏон болхлоша белгалдечох, 2020-ча шера саькура бетта бер дарах нанна доагӏаш дола ахча хьаэцаш, ши бер даьд аьнна бух боаца каьхаташ юкъедахийтад цо. Цу каьхаташка гӏолла 460 эзар сом ахча хьаийцад цо ӏаьдалгара, ахча шийна ма тов дехкад», - йоах «Сердалога» мехкарча Тохкама комитето.
Россе УЭБиПК МВД болхлоша гулдаьча каьхаташка гӏолла, хьадийллар гӏулакх. Из тийшаболх кхостабе цун мишта аьттув баьннаб тохкаш ба полице болхлой.
