Ший даь хинна топ полицега дӏаелар мехка яхархочо
12.07.2026 23:11
Чарахьал деш лелаяь шозза ювла топ полицега дӏачуяла лаьрхӏар мехка яхархочо, ший да дӏаваьнначул тӏехьагӏа. Наьсарера ОМВД болхлой болча ена, вахар хаьдача даьх йиса я, аьнна, хьаелар цо из. Из хоам «Сердалога» бера МВД болхлошкара.
Бокъонца доагӏача тайпара топацара хӏама тохкаш ба тахан. Республикерча МВД кхайкарал ду бахархошка; цӏагӏа уллаш дола герз, поатронаш, кхыйола лелхаш йола хӏамаш ӏаьдала болхлошка дӏачуле, яхаш. Уж хьачуеннарашта ахча тел тахан МВД.
Герз дӏачудаларо дагадоацача хана хила тарлуш долча хатарах, ӏаьдало бехктокхаме оттаварах кӏалхарвоаккх саг. Вахача моттигерча участковега гӏолла ха йиш я цу гӏулакха малагӏа мах оттабаьб.
