ЖКХ оагӏонца бокъо йоацаш хьатеха ахча тӏера дӏадаккха гӏо дир, Шолжа-Шахьарерча яхархочоа
01.07.2026 10:25
Йоагаяь йоацача газах, цхьаккха бокъо йоацаш, ӏотӏаяздаь хинна 43 эзар сом ахча Шолжа-Шахьарерча яхархочунна тӏера дӏадаккхмийтар Шолжа кхален прокуратуро.
«ӏаьдала болхлоша дӏабихьача тохкамо хьагойтар, кхалсага из декхар ӏотӏаяздеш газа оагӏон болхлой гӏалатбаьннилга.
Цу оагӏонцарча кулгалхочун цӏерах каьхат яздаь, из гӏулакх боаггӏача боараме хьатахкийта, бокъо йоацаш ӏотӏаяздаь декхар тӏера дӏадаккхийтар прокуратуран болхлоша», - дийцар тха газетага.
