Догӏа чудаьнна телха цӏа меттаоттаде гӏо дергда Яндарерча яхархочоа
25.06.2026 10:24
Догӏаш латтаро толхадаь цӏа меттаоттадеш, гӏо де лаьрхӏа я Яндарерча яхархочунна Наьсарен кхален администраци. Из хоам «Сердалога» бера цу моттигера. Наьсарен кхален администрацен вахара гӏулакхех болча оагӏонна кулгал ду Саганаькъан Мадина, Яндарерча администраце болхлошца, дохадаьча цӏен хьал тахка яха хилар.
Боранаькъан Заремхан ше цхьаь яхаш саг я. Догӏаш латтаро цун цӏен тхов толхабаьб, цӏагӏа догӏа чудаларах чура саман тӏоадаяьй, 7,5 кв.м. пен хаьрцаб. Хьежача болхлоша теркалдир, цхьаь яхача кхалсага дикка гӏо де дезилга, из деррига меттаоттадеш. Кхален хьакимаш цу гӏулакха эшаш дола каьхаташ кийчдаь баьлча, цӏа меттаоттаде ахча хьахьожадергда цунна.
