15 шу хьалха даьча зуламах бехктокхаме озаргва мехкахо
42 шу даьннача мехкахочун гӏулакх тохкаш болх дӏабихьар республикерча Шолжа кхален РФ Тохкама комитета болхлоша. «Сердалога» из хоам бир цу моттигера.
«Цо даьча зуламах, сага вахар хадаш хатар хилар. Иштта герз, герзаца эшаш бола кхоачам шийца лелабар а да цунна тӏатетташ», - йоах тхогарча хоам тӏа.
Тохкама болхлоша белгалдечох, 2010-ча шерарча наджгоанцхой бетта Шолжа-Шахьарерча Осканаькъан цӏерах болча ураме 27 шу даьннача мехкахочунна массехказа тепча техай цо. Трамватически оала тепча хиннай из, кхыча тайпара хувцам баь, герз деттаргдолаш тоаяь.
Цу хана денз къайлаваьнна, ӏаьдало лохаш хиннав из саг. 2025-ча шерарча кӏимарса бетта, мехкарча УУР МВД Тохкама оагӏон болхлоша дӏабихьача балхах, вола моттиг хоаенна, дӏалаьцар из. Карарча хана суде тохкаш латт цун гӏулакх.
