Бахархошта хьалхадаьккхар, оттабаьча маьхах герз ӏаьдалга дӏадала йиш хилар
Гӏалгӏай Республике гӏолла йолча МВД моттигерча бахархошта хьалхадаьккхар, шоаш раьза болаш, герз ӏаьдалга дӏадала йиш йолга. Из хоам бир «Сердало» газетага ГӏР бокъонаш лораераша.
«Полице керттерча декхарех да цох зулам даргдоацаш, герз юкъедоаккхаш дола зе наха юкъе даржаргдоацаш, из бокъо йоацаш леладеш хургдоацаш, из дӏадала йиш йолга хьалхадаккхар, юхатохар», - аьлар хоамо.
Бахархой йиш йолаш ба боахама тароний хоамашца ма ярра из оагӏув йовза, цига латташ ба ше раьза волаш дӏалуш долча герзах луш бола мах. Из ба пулеметах, автоматах, топах, тепчах, кхыча герза гӏирсах луш.
Бокъонаш лора а еш, шоаш раьза болаш, герз хьадала безам бараш шоай даькъ тӏара участкови волча дӏатӏабаха беза. Бокъонаш лораераша хьалхадоаккх, из кхоачашдара, цох доагӏаш дола ахча хьаэцара, бокъон сакхетам сома баккхара де дезар.
