Аьшка ахча каьхатачунца хувцарах дийцар бахархошка
Укх бетта 6-ча денгара 18-ча денга кхаччалца йолча хана, ерригача Российски Федераце моттигашка дӏахьоргба цӏагӏа хьаӏайна аьшка ахча каьхата ахчанца хувца йиш йола болам. Из хоам «Сердалога» бир мехкадаь зарбан болх лелабераша.
«Аьшка ахчан кӏира» да берригача мехка тахан дӏахьош. Ахча хувца йиш я банкашка, болама юкъе дакъа лоацача тикашка. Банкашка ӏайна ахча ший счёта тӏа ӏотӏадилла йиш я», - язду Кабмина Телеграм-оагӏон тӏа.
Цу йоккхача кхетаче дакъа лоацаш я 16 эзар совгӏа тика, 4 эзар совгӏа банк. Цу оагӏонцара хоам бовза йиш я «монетнаянеделя.рф» яхача сайте.
Кисашка, бохчашка эгаш дола аьшка ахча берригача россиянашка санна, вай мехкахошка а шортта хьаӏайна хургда.
Каьхата ахчанца из хувцаш, пайдане дола гӏулакх хьаллоацаш хул бахархой.
2023-ча шера денз дӏахьош ба из болам. Цу юкъа 956 млн сом мах бола 215 млн аьшка юха вахара юкъедаьлар.
