Бахархошта дийцар, контейнераш латта майдаш йиза тӏехъяха хӏана хул
Гӏалгӏайчен бахархошта вахара бувзамашка гӏолла хьалхадаьккхар, контейнераш латта моттигаш йиза тӏехъяха хилара бахьан малагӏа да, из хургдоацаш дер фуд, яхаш, дийцар «Сердало» газетага ГӏР ӏалам лорадара боахаме.
«Бахархоша хьалйиза контейнераш гуча хана, хьалхашка хаттараш отт: хӏана нийслу из иштта, фу де деза моттигерча оператора?» - цу гӏулакха хетабир ГӀР ӏалама Министерствос МАХ-канале хинна ший хоамий гойтам.
Цу тайпара нувхаш хьаӏоаеш хилара бахьан да, аьнна, цига белгалдир, аргӏанара доацаш нувхашцара хьал нийслуш хилар, уж ӏоаяра йола бокъонаш нийса цалелаяр. Цу дерригача хьала ӏаткъаш дола дукха бахьанаш белгалдеш масалаш доаладир.
«Вай фу ду? Цу моттигашка даим хьожаш да. Нагахьа санна эшаш хилча, тӏехьара тӏа техника цига дӏайохийт. Из гӏулакх леладеча компанешца, моттигерча доал деча даькъ тӏарча ӏаьдалца бувзам лелабу. Юхакъаьста нувхаш мича яхьа еза, царца мишта хила веза хьалхадоаккхаш нахаца болх бу. Вай юкъара декхар да коашка, урамашка, юкъарлон моттигашка лостам, цӏено лелаяр. Нагахьа санна нувхех хьалйиза латта контейнер оашош зийнаяле, тхога хоам бе.
Цхьана вай Гӏалгӏайче хозагӏа, цӏенагӏа ергья, хьамсарча мехка гонахьара ӏалам лорадергда - из да ерригача юкъарлон дика вахар хилара хьалхагӏа де дезар».
