Кийча лоаттадеча эскаре амал дарах дийцар Юкъерча Ачалкхерча бахархошка
БАРСа оагӏонца декхараш кхоачашдеш хиларах дийцар тахан Юкъерча Ачалкхерча бахархошца. Юртарча культуран Цӏагӏа хилар из кхетаче. Магӏалбика кхален администраце кулгалхочун гӏонча вола Мержой Исраил, тӏема комиссариата болхлой бар наьха хаттарашта жоп луш хиннараш.
«БАРС оагӏонца декхараш кхоачашдарах, цу юкъеводаш хилча е езача кийчонах, иштта цу наха ӏаьдалгара хьадоагӏача хӏамах, царна луча аьттонех дийцар цига. Кхетаче белгалдир, балха волашшехь цу юкъе хила йиш йолга. Бахархой мел хинна хаттараш доашхаш хилар кхетаче дӏахьош хиннараш. БАРС юкъевахар, хӏаране уйла яь, ше хоржам бе безаш да», - дийцар «Сердалога» Магӏалбика кхален администраце болхлоша.
Иштта дӏахьоча кхетаче моллагӏа цу оагӏонцара хӏама ма дарра довза аьттув хул наьха, цул совгӏа, ӏаьдала, тӏема моттигашта, бахархошта юкъера бувзам чӏоагӏбар а хул.
