«Сердало» газета 100 шу далара тIехьа латт, дуккха, хьинаре къахьийга денош
Газета «Сердало» («Свет») отметила свой прекрасный 100-летний юбилей в День образования Ингушетии в красивом концертном зале ДК города Сунжи. В этом масштабном, живом, полном теплых встреч и восторженных оценок событии приняли участие Глава РИ Махмуд-Али Калиматов, спикер Парламента республики Магомед Тумгоев, члены Совета Федерации Белан Хамчиев и Мухарбек Барахоев, депутат Госдумы Муслим Татриев, главный федеральный инспектор по региону Виталий Смирнов, основатель Благотворительного фонда «САФМАР» Микаил Гуцериев, руководители ведомств, представители СМИ из других российских регионов, писатели, известные общественные деятели, волонтеры и многие другие замечательные люди. И, конечно, главные герои этого векового юбилея — дружный коллектив единомышленников, редакционная команда «Сердало» во главе с Хадижат Курскиевой.
Гулбеннарашта байзар, тхьовра денз «Сердало» газето хьабахьа боккха, бIаьхий бола никъ. Дукха низ Iобуллаш, газете къахьегаш лаьттарий цIераш яьхар цига, совгIаташ делар. Вай мехкадас Келаматанаькъан Махьмуд-Iаьлас белгалдир, газет хьакхеллача Малсаганаькъан Зоврбика, Беканаькъан Тембота вай къаманна, мах баь варгвоаца доккха дика даьд, аьнна. Цу хана денз, къаман «дог» хинна, хьадоагIа «Сердало», ший беркате никъ бахьаш. «Тахан доккха цIай да! «Сердало» газета 100 шу дузаш дола ди, вай дерригача къаманна боча, хьамсара да. Ше малхадаьннача дийнахьа денз, къаман вахарах, къахьегамах, мехка гIулакха латтача нахах, беркате наькъаш кхолларех, дувцаш хьадоагIа «Сердало». Тахан вай массане кхетаду, иштта бола оагIув, къаман вахаре мел эшаш ба!» — аьлар вай Мехкадас.
Газето даьча дикаех дувца эттача, уж дукха да, дийца ца валлал. Лакха начIал дола, говза болхлой кхебаьб газето, къаман вахаре хIара денна дукха дикаш доаржадеш, нийсача, сийрдача наькъашта бахархой тIахьехаш, беркатехдар хьалхадоахаш, хьаденад таханарча денга кхаччалца.
Республикан ди дездеча дийнахьа, «Сердалон» ди дездар а, лаьрххIа хержа да вай республикан кулгалхочо. Доккха цIай кийчдеш, керте лаьцар, цхьан хана газете къахьийгарий дог хьастар. Газета 100 шу дизарах йола майдилгаш елар царна мехкадас Келаматанаькъан Махьмуд-Iаьлас. Регионерча кепайоазон болхлошта гIо деш, цар оагIув хьаллоацаш волча республикан кулгалхочун а елар майдилг. Дукха хоза дешаш аьлар, газета къахьегамхой даькъала бувцаш, черсий, балкхарой, нохчий мехкашкара баьхкача хьаьшаша. Хьаохаде деза, газета хьалхара номер 1923-ча шера бекарга бетта 1-ча дийнахьа араяьннилга. Германеца тIом лаьттача шерашка, советски бIухоша хьокхача майралах, деналах дувцар нахага «Сердалос». Къам мехкахдаьккха хиннача дIаьхача 13 шера арадийннадац газет. 1973-ча шера, СССР Президиума Лакхерча Совета амарах, «Сийлен хьарак» яха орден елар, къаман дог хинна лаьттача газетá. Доккха цIай дездеча моттиге, массарашта гургйолаш Iойиллар из орден. Тайп-тайпарча шерашка болх беш, газета моттиг тоаеш хьабаьхкача журналистех кино хьекхар цига. Тахан, хьинаре къахьегаш, кердадараш юкъекхувлаш хьадоагIа «Сердало». Газета керте латтарий аьттув баьннаб, Даьла низаца, шоай тIехдика сайт хьакхолла, гIалгIай меттах дола электронни орфографически дошлорг хьаде, гIалгIай меттаца атта болх бе йиш хургйолча тайпара клавиатура дIанийсъе. Дукха кердадараш юкъедоаладаьд цар шоай балха, дIахо кхы а, из моттиг тоаеш, дIабаха дагахьа даггара къахьегаш ба. Редакцен музей хьакхоллаш, болх беш ба уж тахан. Дувца эттача, де лаьрхIараш дукха да... Къаьстта дувца дезаш да, газета шеф-редактор волча Курскенаькъан ИбрахIима хьегаш долча къих. ХIара дийнахьа, цхьацца керда хIама дагадохаш, ди-бийса ца къовсаш, хьинаре къахьегаш, дикагIа, хозагIа хургда аьнна мел хетар юкъедоаккхаш, хьавоагIа из саг, балха венача дийнахьа денз. Иштта хьинаре къахьега тIахьех цо берригаш а, беркате хургья аьнна хета цхьа моттиг дIа ца йохийташ. Гулбеннараша баркал аьлар, цу тайпара хоза кхетаче кийчъеш, къахьийгача газета тоабанна. Деррига лакхача боараме хилийта гIерташ удача хана хало хиннаяле а, цох наьха дог гIоздоалаш бIаргадайча, еррига хало йицлора. «Сердало» газета сердал-м, массанена тоъаргйолаш я! Укхаза бах, беркате, дика, хьинаре къахьегамхой! Къаман вахара боккхагIбола оагIув хьа а лаьца, бехктокхаме ший декхараш токхаш хьадоагIа «Сердало». Дала аьннадале, Цун къахетамца, иштта белгала долаш дIачакх а даргда!
