«Коталон Совгӏат» яхача яхьашка 11 майдилг йоаккхаш белгалбаьлар вай спортсменаш
20.05.2026 09:10
Боканаькъан Фатимас ӏомабаьча спортсменаша «Коталон Совгӏат» яхача шахьарерча яхьашка 11 майдилг яьккхар. Из хоам «Сердалога» бир цу оагӏонцарча министерствон зарбан болх лелабераша.
«Яхьаш дӏайихьар Пятигорске. Лакха говзал гойташ белгалваьлар цига ялх спортсмен. Лакхерча лагӏа тӏа ваьлар Оздой Ахьмад (29 кг), Эсенаькъан Мухьаммад (34 кг), Овшанаькъан Амир (38 кг), Албохчанаькъан Мухьаммад (34 кг), Долакханаькъан Ахьмад (30 кг), Зангенаькъан Халид (25 кг).
Дото майдилгаш ӏоэхкар Оздой Ӏалаудина (57 кг), Оздой Салаудина (31,5 кг), Овшанаькъан Саламхана (48 кг), Доврбиканаькъан Джабраила (57 кг), Долакханаькъан Байсура (29 кг)», - йоах тха газетага бенача хоама тӏа.
