Из гучадаьлар, 100 сагага хоаттам беш, оаха дӀабихьача балхага гӀолла. 45% бахархошта хетачох, хьайбах йоагӀа хоза хьадж цхьаккха хӀаманца хувцаргйоацаш я, хӀаьта цох яь варени массарел чам болашагӀа лоархӀ.

25% наха цу сомо шоай бера ха дагайохийт. Бера хана новкъосташца из екъаш лийна шераш хоза хеташ, дагалувцар цар. 70% бахархоша белгалдаьчох, из сом чӀоагӀа дарбане ба, дегӀа низ чӀоагӀбара чӀоагӀа эшаш ба. 8% наха дийцар, бахархоша салоӀача моттигашка из сом дӀабогӀаро дикка пайда бергбар, аьнна.

«СалоӀаш багӀача наьха дог гӀоздоаккхаш бола сом хургбар цох, ший хозача бесаца», - дийцар тхога хаттарашта жоп луш хиннарех цхьанне.