«Цу наха карагӀдаьннар мах баь варгвоацаш да, цхьабараш шоай са Ӏодиллар цига, моастагӀа шахьара тӀа ца кхоачийташ. Со тешаш ва цу тайпара Даьхе еза вай тӀехье Ӏомаергья, аьнна, из вай таханара керттера декхар а да. Дег чура деза сона вай шахьар дегӀаяр, тоалуш, хозлуш йоагӀаш хилар, цо ший лакха толамаш кхы а дукхагӀа гойтар. ХӀара МагӀалбика вахархо ираз долаш, могаш вахалва!» - аьлар «Сердало» газетага МагӀалбика администраце кулгалхочо Галай Мусас. 1942 шера МагӀалбик лораеш дӀабихьа тӀом, эггара чӀоагӀагӀа йола исторен оагӀув я. Цу хана Тирка дукъ тӀа лаьттача тӀем тӀа; денал, майрал гойташ моастагӀчох латаш; 120 эзар салте, эпсар ца гӀатта аллийсар. Сийлахь-йоккха Котало йоаккхаш, цар юкъедихьар доккха дакъа, уж духьалъэттар, чӀоагӀача, къизача моастагӀчоа.