Гӏалгӏайчен 180 къонача эскархочо Гвардейски полке физически кийчонах бола боарам гойтар
Гӏалгӏайчен Шолжа кхален Эбарга-Юртарча 503-ча Гвардейски мотоиччархой полк, балха юкъе кердадараш дахара йоккха майда хинна дӏаэттар. Цига Илдарха-Гӏалан, Шолжен, Шолжа кхален «Къона эскар» яхача Болама 180 ӏомалу саг физически кийчонах бола боарам дика дӏалуш хилар. Цу тайпара болх дӏахьу царца каст-каста, цо таро лу къонача эскархошта шоай толамаш го, шоаш мишта дегӏабоагӏаш ба ха. Карарча хана цу тайпара болх дӏахьош къонача эскархоша дика толамаш даьхар; сихал, низ, духьалъотталуш хилар гойташ.
«Боарамо дIадехар кхоачашдир - Болама доакъашхой кийчон цхьа дакъа да. Цу тайпара Iомабалар дӏахьош хиларо физически таронаш дегӏайоалае низ лу, дика оамалаш чӏоагӏъю, толам баккхара тӏакхувш хулийт. Каст-каста из болх дӏахьош хилча, берашта гуш хул шоаш малагӏа моттигаш караерзаю, малагӏаш тӏехьают», - аьлар «Сердало» газетага из спортивни цӏай вӏашагӏделлараша.
Гӏалгӏайчен къонача эскархоша шоай оамал чӏоагӏъю, коталонга бода никъ баккхара тӏакхувш хул. Цар шоай толамашца хьагойт, Даьхен бӏухой ӏадаташ шоаш сийдеш лораделга, уж кийча хул моллагӏча дикача гӏулакха.
