СКФО 200 вахархо дешаш хургва ГӀалгӀайчен «Ишколе 21»
Магасе дӀаболабелар «Ишкола 21» яхача таьрахьий технологей ишколе дешаргдола дикагӀа бола дешархой хоржаш бола болх, из дӀахьоргба ИТ-Академе 26 дийнахьа, Къилбаседа Кавказа доакъашхой яхьебаргба деша оттара.
Из проект дика хеташ я къонабарашта санна боккхагӀа болча наха а. Царех эггара зӀамагӀчун 17 шу, эггара воккхагӀчун 54 шу да. Чакхвалара болх дӀахьош, хӀаранена довзийтаргда С меттала программировани дӀаяхьара хьалаш, цо кхоачашдергда къаьстта дола хаттараш, иштта дакъа лоацаргда тоабашцарча проекташка.
«Ишкола 21» я Магасе, Россе малхбоален ӀT- хьалхале лелаеча центрах цаӀ хиларах тарра, вай мехка цо таро лу профессионально дегӀаахара керда хьалаш лоаттаде», - аьлар мехка Паччахьалкхен зарбан болх лелабераша.
Магасе «Ишкола 21» дӀайолаелча денз, цхьа эзар совгӀа саг чакхваьлар, царех 300, яхье кот а ваьнна, хӀанз ӀT балха даькъ тӀа къахьегаш ва.
