Доал доацаш лелача хьайбай дас 204 048 сом дӏатокхаргда
Доал доацаш Шолжа-Шахьаре дӏахийца лелача хьайбай дас шахьара администрацена 204 048 сом дӏалургда, ший хьайбаш царна къоастаяьча моттиге ца лоаттадар бахьан долаш дайнар меттаоттадеш.
«2025-ча шера тов бетта ишкола, берий беша юхе лела говрий ӏул зийра наха. Бахархошта, къаьстта берашта кхераме хиларал совгӏа, шахьара моттигий куц толхадеш лелар говраш. Иштта доал доацаш дӏахийца лела хьайбаш лоаттадеча моттиге дӏайигар уж, хьалийца; бакъда хьайбай дас, бус чӏега хьабаьккха, говраш бокъо йоацаш дӏайигар. Шахьара администраце из гӏулакх ӏаьдалга дӏачуделар, дӏахо судага гӏолла тохкам бир. Шолжа кхален судо баьча соцамах, говрий да администрацена 204 048 сом ахча дӏадала дезаш ва, ший хьайбашта доадаьр меттаоттадеш», - дийцар тха газетага.
«Цу гӏулакхо хьагойт, шахьара моттигаш толхаяйташ, наха новкъарле еш хьайбаш дӏахийца вагӏа йиш йоацилга. Бокъонаш телхаяр, гӏод тохарал совгӏа, судага гӏолла къоастадеш хӏама да.
