Гӏалгӏайчен къонача латархоша 24 майдилг яьккхар, Шолжа-Гӏалий тӏа дӏайихьача яхьашка
07.09.2026 13:52
Гӏалгӏайчен Илдарха-Гӏалан спортивни ишколе ӏомалураша лакха толам баьккхар латара даькъ тӏа. Шолжа-Гӏалий тӏа мехкашта юкъера ший лоӏамеча латарах яхьаш дӏахьоча гӏалгӏай спортсменаша 24 майдилг яьккхар.
«Шоай гӏулакх дезаш болча тренераша Осканаькъан ӏамархана, Борзенаькъан Ахьмада кулгал а деш, Илдарха-Гӏалан латархоша тайп-тайпарча дозалех 24 майдилг яьккхар. Цига иштта лакха толам баккхарах, цар таро хилар яхье юкъарча тоабан хьалхара моттиг яккха», - аьлар «Сердало» газетага Илдарха-Гӏалан администраце зарбан болх лелабераша.
Хӏара толама тӏехьа латт боккха къахьегам, иштта йоахаш я дошо, дото, борза майдилгаш. Бакъда шоай низах тешаш а, кийчо дика яь а бар вай спортсменаш, цудухьа кхаьчар уж коталонга.
