«Олимпиадо таро лу 1-9-ча классашка дагӀача берий наькъашка лелара сакхетам лакхбе. Цар жоп лу нах бахача цӀен доазон тӀа кхерамзле лораеш хиларца, лиспеташца лоралуш леларца, баьдеча гургйола хӀамаш цалелаярах хьадоалача зуламашца дувзаденнача хаттарашта», - аьлар наькъашка къахьегараша. Цу олимпиадах, шийна хетар аьлар ГӀалгӀай Республикан машений наькъа министра. «ЧӀоагӀа лоархӀаме да, цӀагӀа санна ишколе а наькъа кхерамзленна бокъонаш лелаяр, уж йовзаш хилар, царна наькъахочун культура дӀахьехар, зӀамига болча хана денз», - аьлар Хаматхананаькъан Батыра. Белгалдоаккх, онлайн-олимпиада дӀахьош я «Кхерамзленна дика наькъаш» яхача къаман проекта чуйоагӀаш.