Маьцхали бетта 29-30 деношка кхерамах лорабала Ӏомалургба вай мехкарча ишколашка
23.08.2023 06:09
ЦӀаьхха, ишкола кхерам тӀабена хатар хуле, ерригача Россе санна, эггара хьалхарча аргӀагӀа де дезараш хьалхадоахаш йола Ӏомалу моттиг дӀахьоргья вай мехкарча ишколашка а.
Цох лаьца дийцар; вай мехкарча паччахьалкхенна вице-премьер, дешарани Ӏилмани гӀулакхех йолча министерствон кулгалхочо Боканаькъан Аьсета дӀайихьача кхетаче.
«Хьехархошта, ишкол лораеш латтача болхлошта хьалхадоаккхаргда, ишкола герз детташ, лелхаш йола хӀамаш гонахьа ехка хатар хилча, бераш а шоаш а мишта кӀалхарбаха беза, эггара хьалха мичахьара оарц деха деза», — йоах тхогарча хоамо.
