Республикера 30% бахархой къаьнара машинаш хоза хеташ ба
Вай мехкара 30% кхоачаш бола бахархой, шоай доалахьа таханара керда машен яле а, къаьнарча машенашца чам болаш ба. 100 сагага хоаттам беш, оаха дӀабихьача балхо гучадаьккхар из.
«Хьалха хинначарех йола машин марцхилгах лорае, боча лелае гӀерташ хул. Цунца водача хана, хьалха дӀаяхача ханацара безаме хӀамаш дагаух», - аьлар Шолжа-Шахьарерча вахархочо.
55% бахархой дегашта езаеннарех я къаьнара «Волга» - ГАЗ 21, «Победа», иштта доазол арахьарча говзанчаша арахийца «Опель», «Мерседес».
40% наха яхачох, къаьнарча машина куц ше долчча беса дита, кердача иномаркай мотор оттабича геттара дика хургдар. 10% бахархоша, шоаш сатувсарех я, аьнна, тайп-тайпара машинаш хьоахайир. ДукхагӀа болча наха яхачох, къаьнарча машинашка кхоачаргьяц тахан хьаеш йола, ерригаш цхьатарра хеташ йола машинаш.
