Гӏалгӏайче 31 шу даьннача кхалсага кхел йир, вахара аьттонна дола ахча хьаийдеш харцо лелаярах
Магаса кхален судо тӏаийцар 31 шу даьнна Гӏалгӏайчен яхархо бехке хилар, цо зулам дарах РФ УК 3 д. 159.2 ст. Кхалсаг бехктокхаме эзар цо паччахьалкхен ахча лочкъадарах, яхаш, дийцар «Сердало» газетага мехка прокуратуре.
«Судо чӏоагӏдир, 2024 шера цу кхалсага, мехка Къилбаседа оагӏонашка мехкал, вахара-экономически хьалаш эргаш хилар бахьан долаш; бер дарах, из кхедарах хӏара бетта луш дола ахча Гӏалгӏайче луш долчул лакхагӏа хиларах, хӏанзарчоа Красноярски крае дӏаязъяь хилар. Ше из яхаш яр диъ бераца Буро кӏалха.
Красноярски крае гӏолла йолча Россе пенсионни Фонде харцахьа даьха каьхаташ чуделар цо, ше цига яхаш я, аьнна, цу тайпара цун банка чота тӏа хьатӏадаьлар 291 эзар сом берий пособи. Из ахча цо шийна бакъахьа хеттача беса дӏадахийтар», - аьлар тхоца къамаьл даьчо.
Цун кхел еш, судо дӏалаьрхӏар диъ бер хилар, цо материальни зе меттаоттадаь хилар. Цун ши шу хувцаялара ха елар.
