ГӏалгӀайчен кулгалхочо Келаматанаькъан Махьмуд-Ӏаьлас амара кулг яздаьд, цу тӀа чӀоагӀду тушола бетта 31-гӀа, беракарга бетта 1-гӀа денош салоӀаш хилар. Из соцам тӀаийцар, Ид аль-Фитр цӀай дездеш хиларца.

ЛоархӀаме декхараш оттадаьд уж кхоачашдеш йолча Ӏаьдала органашта хьалхашка: царна тӀадиллад дийнахьа-бус республике ха дара болх дӀабахьар. Ше-ше доал деча моттиге Ӏаьдал а иштта болх бе безаш да.

Мехкадас иштта белгалдир ца хаддаш хий, газ, электроэнерги лоаттае езилга, иштта бувзама оагӀув лелабар, къаьстта унахцӀенон, вахара хьалий даькъ тӀа.

Цӏай дӀахьош хиларца, бокъонаш лораяра болча болхлошта хьалхадаьккхар юкъарлон транспортаца цу деношка нах Ӏалашбар. Цо таро хулийтаргья республике цӀай лерттӀа дӀадахьара Ӏалашо е.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде