ХIара шахьаро цу хьаькъал совдаккхара лаьрхIача балха ши-ший болх гойт: истори, культура, спорт, Iилма технологеш, индустрия, промышленность, информаце технологеш. Мероприяте программе дIаяхьа лаьрхIад 100 вIаший дагабалара болх, лекцеш ешар, интервью ялар, йийла урокаш иштта мастер-классаш дIаяхьар.

Марафон хьаеллача дийнахьа цунна доакъашхошта хьалхашка къамаьлдир РФ президента администраце кулгалхочун заместитела Кириенко Сергейс, РФ президента гIонча волча Фурсенко Андрейс, Паччахьалкхен Дума кулгалхочун гIонча Толстой Петра, телеведущи Соловьев Владимира, Познер Владимира, «Курчатовски института» НИЦ президента Ковальчук Михаила, «Яндекс» стратегически маркетинга директора Себрант Андрейс, кинорежиссереи продюсереи Бекмамбетов Тимура, блогера Варламов Ильяс, дизайнера Лебедев Артема.

«Кхетам» яха марафон дIаяхьаро таро хулийтаргъя юкъерленна балха федеральни оагIув чулоацаш лакхача технологей овла хотта.

Халха доакх, 26 марте «Россия-тароний мохк» яхача АОН тIахьожама совете дакъалоацаш хилар Россе президент Путин Владимир. Цу конкурсе котваьннача «Лидеры России.Политика» Древаль Максима цхьацца дола кердадараш юкъедоаладара аьнна хаттар оттадир. Советски Союз йолча ханашка хинна просветительски говзал, традицеш юкъе а йоалаеш, тахан латтача хана карагIдоалар совдоакхаш йола платформа хилча бакъахьа хеташ вар из. Цунна масала оттайир «Кхетам» яха юкъарле. Россе Президента из нийса а хеташ тIаийцар, иштта 21-ча апреле Федеральни собране «Кхетам» яха юкъарле хIанзарча ханара цифровой плаформа тIа хилча бакъахьа я аьнна белгал а дир.

ТАСС хоам баьчча бесса, «Керда Кхетам» яхача марафона онлайн-трансляцега 5 млн саг хьажавар.