«Цу беркатеча яхьашта юкъе дакъа лаца йиш йолаш ба, шоай доалахьа сомий, кхыдолча даарий бешамаш лелаю нах; хьайбаш, коа тIара оалхазараш кхедераш. Яхьашта юкъеболх республике тайп-тайпара кхача лоаттабе, шоай коа кхедаьча хIаман дулх нахага дохкаш къахьегараш», — дийцар тхога министерствон болхлоша. Яхьаш шин оагIонах латташ хургья. Укх бетта 27-гIа ди тIакхачалехь, яхьашта юкъе хила безам мел бараш къоастабеш болх дIахьоргба; шоллагIча оагIонца, хьатIабоагIача бетта 27-гIа ди тIакхачалехь, яхьашка котбаьннарий къахьегама мах бергба. Дакъа лоацарашта ха мел дезар, цу наха хьалхадаьккхад.

Белгалдаьд, боахам лелабеш дола лаьттан доазув, Iаьдала законо дIадеххача тайпара, каьхаташца чIоагIдаь хила дезилга. МоллагIа дола хаттар укх телефонах дала йиш я цар: 8(8732)22-59-10. Оттаяьча комиссе, деррига тохкаш, ший болх дIахьоргба. Хьалхара моттиг яьккхачоа лургда 500 эзар ахча, шоллагIа моттиг кхаьчачун- 300 эзар сом, кхоалагIча моттиге волчун — 200 эзар. ДIахобарашта лургда 50 эзар сом.