«ДӀадолалургда мехка ди ГӀалгӀайчен Кулгалхочо Келаматанаькъан Махьмуд-Ӏаьлас къамаьл дарца. Программа хоза вӀашагӀъелла я. ЛоархӀаме вахара-экономически кхетаче дӀахьош; герга истолаш, говзанч-хьехамаш, экскурсеш, концерташ, цӀихезача нахаца, каралаьцача гӀулакха говзанчаш болча нахаца бовзар, лекцеш ешар, презентацеш яр, гӀалгӀай даар довзийтар хургда», - йоах тха корреспонденташа. Цу доккхача толамий, карагӀдаьннарий гойтаме; вай республикера тайп-тайпара юртбоахама продукци хургья, инвестице оагӀорахьа де лерхӀараш, дегӀадара кердадараш, къаман даар кийчдар, туристически таронаш гойтар, къаман культура, истори довзийтар хургда. Белгалде деза, федеральни центро дика новкъостал деш хиларах, ГӀалгӀайчено ший экономически декхараш кхоачашдара, из дегӀайоалаяра дика толамаш доах.