ГӀалгӀайчен 85% бахархоша лоархӀ, керттердар хица Ӏалашо яр да
31.10.2023 09:30
ГӀалгӀайчен 85 % бахархоша лоархӀ, мехка даим хий хьадоагӀаш хилар, хин боахама болхлой керттера декхар хила деза. Цунах дийцар «Сердало» газета, карарча шера ардара бетта юхье, 100 сага юкъе хаттарий болх дӀахьош.
«Республикашка хий хургдола болх тоабе безаш болга гуш да. Карарча хана вайна гу кӀезиг-кӀезига из хаттар кхоачашдеш латтилга. МоллагӀа волча сага вахаре, цӀагӀа цахаддаш хьадоагӀаш дӀайха хий хилар - из вахара лерттӀа хьалаш хилар да», - аьлар тохкама цхьан доакъашхочо.
80% совгӀа болча наха лоархӀ, лаьрххӀа йола счётчикаш а оттаяь, ший ханнахьа цох боагӀа мах дӀа а луш, хицара хьал тоаде деза, аьнна.
70% совгӀа нах тешаш ба тишъенна хин турбаш тоаяьчул тӀехьагӀа, царна меттел полимерни турбаш чуяьхкача, из хьал тоалургда, хӀана аьлча турбаш лелхаш йола моттигаш кӀезигагӀа хургья.
