Мехкарча 855 къоаночоа гӀо дир
Вай республикерча 855 къоаночоа гӀо дир дӀадахача шера. Царна юкъера 350 саг дегӀа могашал дикка эшаенна вар. «Сердалога» из хоам бир Мехкадаь зарбан болх лелабераша.
БӀарчача шера вахара оагӀонцара 90 болхло къоаношта эшачунга хьожаш хиннав. Къаьстта йоккха терко йир уж дарбанче кхувлара тӀехьа, 530 къоано лорашка чакхваьккхар. Цу гӀулакха лаьрхӀа 12 машин Ӏалашъяьяр «Боккхий нах» яхача программан «Демографи» яхача къаман проектага гӀолла. Иштта вай мехкарча боккхача наха гӀо ду курорте, санаторе баха, Сурхо тӀарча ветераний цӀагӀа салоӀаш ха яккха.
«Демографи» яхача къаман проекто хьаллоацаш, республикерча вахара гӀо лоаттадеча моттиге боккхача наха, заӀапхошта новкъостал лоаттадеш болх ба дӀахьош. Карарча хана 230 лаьрхӀа Ӏомабаьча наха цар хьашташ кхоачашдеш къахьег.
«Ха яхача наха гӀо дар чӀоагӀа лоархӀаме да вай къаман юкъе. ЧӀоагӀа фийла, сабаре хила веза царца болх беш вола саг, дагайоацача халонех лорабе беза вай къоаной», - белгалдир вай мехкадас Келаматанаькъан Махьмуд-Ӏаьлас.
