Паркера лаьтташ дохк яха къамаьл бух боацаш долга, хоам бир МагӀалбика администраце
18.03.2024 11:46
МагӀалбикерча Серго цӀерах йолча паркера лаьтташ дӀа-хьа дохкаш латт, яхаш, интернета оагӀонашка даьржа лела къамаьл бух боацаш долга дийцар шахьара администраце болхлоша. Парке тахан балхаш дӀахьош латта доазув цхьан шера аренда дӀаденна да, тир хургйолаш я цига, администраце белгалдаьчох.
«Ӏадсаькх детташ йола тир хьаелларгья шахьаре. Ӏадсаькх деттар вай даьша леладаь хӀама да, тахан вайна юкъе даьржача дика хургда аьнна хет.
Цу хӀаман тӀагӀолла чӀоагӀъяь аренда я из Ӏалбаканаькъан Розайца - из проект кхоачашъеш йоаллачунца», - дийцар шахьара хьакимаша «Сердало» газетага.
