«Магас» яхача аэропорто болх дӀаболабаьб
23.02.2024 09:50
ГӀалгӀайче, Сочи, Самара, Санкт-Петербург, Тюмень яхача моттигашка дӀа-юха лелача «РедВинг» яхача михацарча кема болх дӀаболабе лаьрхӀар. ХӀара оршот дийнахьа Самаре гӀоргда кема, тушола бетта 1-ча дийнахьа денз, - Соче, бекарга бетта 5- ча дийнахьа денз, - Санкт-Петербурге, бекарга бетта 6-ча дийнахьа денз, - Тюмене додаш хургда из. Цох хоам бир «Сердало» газетага промышленноста а бувзама а министерствос.
«Рейсаш дукхагӀа хилийтар а уж еча моттигий мугӀ шербалар а дувзаденна да, дӀа-юха болхаш бола нах санна, мехка хьабоагӀа туристаш а дукхагӀа хиларца, хӀаьта Магас-Самара яха рейс наха эшаш я кхыйолча Россен Сибрерча моттигашка болхарашта, хӀана аьлча уж Самаре гӀолла болхаш хул», - аьлар министерстве.
