БӀаьстан ха хьаотташехь, дӀаде дезача ялата кийчо ю ха я Ӏа. Лаьттан кӀалдахийталехь, из миштад хьожаш бола тохкам дӀабахьа беза болхлой, хӀана аьлча дӀадийначунга хьежжа хургда чуэцар а. РСХЦ лабораторе дӀакхухьаш, тохкаш латт дӀаде деза ялат.

«Наьсаре» яхача ГУПа къахьегамхоша тохкам бе дӀабихьаб шоаш дӀабе лаьрхӀа «Космос» яха мукх ( 200 тонн), «Зори Кавказа» яхача – 70 тонн кен. Баьча тохкама балхо хьахьекхар, ялат дӀаде мегаргдарех, Даьла низаца дика хьалъоттаргдарех хилар», - белгалду РСХЦ.