Цун юкъе эггара хьалхарча аргIах белгалдер да, малагIа зе деш йолча хIамашта духьала болх дIабахьа беза. Де деза аьнна мел хетар юкъехьош, кичйчбу цар шоай болх.

Къахьега ха хьатIакхаьчача, сихха юкъедахьа дезараш а теркалдеш, бу цар из. Хьалххе сурт оттадаь, дIахьош хилча аттагIа, беркатегIа хул къахьега.

«Iан тIехьарча бетта дIадолалу ялаташта зе деш дола дехкий, бIаьстан хьалхара бутт хьаоттарца арайоал буслеларгаш, ялата овлаш дуаш йола чоапилгаш. Из деррига юкъехьош, оттаду оаха дIабахьа безача балха сурт.

Кхыйола зе деш йола дийна хIамаш яржа а тарлу, цу хIаманга а кийча хила беза лаьттанца, ялаташца къахьегаш бола болхлой», — дийцар тха газетага цу балха кулгал деш йолча Гоамакортанаькъан Лидас.