Керда академи хьаелларгья вай мехка
04.09.2023 14:39
500 совгӀа лакха говзал йола нах хӀара шера арахецаргба, вай Мехкадас соцам баь, хьайийллача цифровой гӀулакх доаржадарах йолча академе. «Сафмар» яхача моттиго гӀо деш, дӀахьоргба из болх. «Сбербанко лелаеш йолча «Ишкол-21» яхача ИТ проектага гӀолла хьаелларгья академи. Магасе хургйолча академе, таханарча дийнахьа тоаеш дола балхаш дӀахьош латт. Цун хьаеллар хургда бӀаьсти. Цу моттиго кийчбергба, тахан вай мехка эггара чӀоагӀагӀа эшаш бола говзанчаш. Цига Ӏомадергдараш: программировани, дизайн, проекташта кулгалде хар, иштта кхыдараш а.
ХӀара шера цигара араваргва лакхара кхетам бола 500 болхло. Вай мехка санна, федеральни доазон тӀа а къахьега йиш йолаш хургба уж», — йоах тхога бенача хоамо.
Белгалде деза, иштта йола академеш Москве, Новосибирске, Сургуте болх беш йолга. Царгара цхьаццадараш хьаэцаргда вай мехко а. «Акселератор» яхача академерча оагӀонга гӀолла шоаш Ӏомадаьчох, вай мехка пайда эца йиш йолаш хургба бахархой. Лакхача технологех дола кердадараш Ӏомадаь, доккха начӀал дола говзанчаш хургба царех.
