Гӏалгӏайчен хьинар дараша гуманитарни мухь бахьийтар селашкахьа
Селий мехка дукха догӏаш дийлха, хатар хиларах, Гӏалгӏай Республикан кагирхой гӏулакха йолча Комитето, #ВАЙЦХЬАНА яхача Гӏалгӏай Республикан штабаца, вӏаштӏехьдаьккхар ӏалама чоалхане хьал эттача новкъостал дахьийта.
«Гӏалгӏайчен бахархоша дика новкъостал деш, иштта «Бим энвелол» ООО дакъа лоацаш, таро хилар лоалахарча республиканна хӏамаш яхьийта: 5 аьшка канистр, 100 гали 200 литр йола, 30 каска; 24 доазув къоастаду оасаш, 50 м йолаш хӏараяр; 50 догӏа делхаш тӏакхоллаш дола гӏирсаш, 50 бахьа бел, 50 ира бел, 10 пара хьамча иккаш, 200 пара кулгахйоахкоргаш, 5 генератор, 4 мотопомпа, 30 мотт, 1 тонн молаш дола хий.
Из новкъостал лаьрхӏа дар Селий Республикан волонтёрашта, наха новкъостал деш накъадаргдолаш», - аьлар кагирхой гӏулакхех йолча Комитета болхлочо ӏарчакханаькъан Саӏида.
