Новак Александр вахар «Южни» яхача оалхазарий комплексе
02.02.2024 15:29
ГӀалгӀай Республикан кулгалхо Келаматанаькъан Махьмуд-Ӏаьла, Россе паччахьалкхен вице-премьераца Новак Александраца вахар «Южни» яхача оалхазарий комплексе. Таханарча денга хьежжа хьалъяьча предприятена карагӀдоалачунна мах оттабир, из ма дарра шоашта бӀарга а дайра, яхаш, дийцар «Сердало» газетага республикан кулгалхочун зарбан болх лелабераша.
«Россе Президента белгалду, мехка промышленноста болх керттерчарех хилар. Паччахьалкхено терко лоаттаю моттигашка хьадеш долча наьха шоай доалахьарча балхашта, бизнеса. Вайна тахан гуш да цох хьахулар», - аьлар Новак Александра.
ХӀанз укх сахьате, цу моттиге арахецаш я, ГӀалгӀайче меттел, цул арахьа а эшаш йола кхачан продукци.
