Турчак Андрея даькъалавийцар, «ЦаӀ йола Росси» яхача парте ГӀалгӀайчен воккхагӀа вола доакъашхо
ГӀалгӀайчен воккхагӀа волча Шолжа-Шахьара вахархочунна Келаматанаькъан Ӏадрахьмана цӀерагӀа даькъала вувцаш дола дешаш дайтар «ЦаӀ йола Росси» яхача парте Генсовета секретара Турчак Андрея. Политика баркал аьлар ГӀалгӀайчен вахархочунна, из хьакхеллача дийнахьа денз тешаме а волаш цу парте из хиларах.
«Моаршал дайташ дола каьхат Келаматанаькъан Ӏадрахьманага дӀаделар «ЦаӀ йола Росси» яхача парте моттигерча отделене секретара, Шолжа-Шахьара администраце кулгалхочо Ӏумаранаькъан Аслана, «ЧӀоагӀа дезал» яхача мехка проекта викала ГӀулой ИбрахӀима», - аьлар «Сердало» газетага хоамо.
Келаматанаькъан Ӏадрахьман волча бахача парте викалаша баркал аьлар цунна; цун вахара говзалах, хьаькъалах. Цар шоаш моллагӀча хана эшаш дола новкъостал дара кийча хилар а аьлар къоаночунга, могаш волаш, дукхача шерашка вахалва хьо, аьнна, ловца а баьккхар.
