«Магас» яха халхара ансамбль - халкъашта юкъерча фестивала доакъашхо
20.10.2023 16:00
«Магас» яхача паччахьалкхен фольклорни ансамбла доакъашхой ХӀV-ча халкъашта юкъерча ЭсамбаевгIар Махьмуда цӀерагӀча сольни халхара фестивале-яхье бахар, яхаш, дийцар «Сердало» газетага ГӀалгӀай Республикан культуран министерствос.
«Культуран бIухой болча артисташа Муцолганаькъан Мусас, Орцханаькъан Луизас гойтар «Палчакхацара халхар», иштта шинне деш дола «Кхетаче» яха халхар. Диъ дийнахьа, ардара бетта 15-ча денгара 18-ча денга кхаччалца, фестивала чуйоагӀаш, хоза халхара номераш гойтар 114 доакъашхочо, уж бар Россе 39 моттигера,13 мехкара», - аьлар министерстве.
Цу тайпарча яьржа дӀахьош йолча культуран яхье, таро я гӀалгӀай къам лакхача боарам тӀа дӀагойта», - аьлар ансамбла кулгалхочо Оздой Ахьмада.
