МагӀалбика кхале чӀоагӀбеш латт кагирхошта юкъе бартэгӀам хургбоаца болх
МагӀалбика кхален администраце наха низ бара духьала йолча комиссе къамаьл хилар Инаркъерча №6 йолча ишколе, из дувзаденна дар наха низаш деш йолча организацеша кагирхой Ӏехабеш, шоашта юкъебоахаргбоацаш, царна из хьал хьалхадаккхарца. Кхетаче дӀахьош, МагӀалбика шахьара имама Баьтаранаькъан ИбрахӀима, АТК даькъа говзанчас Къамурзой Башира хьалхадаьккхар кагирхошта, цу хӀамах лоравала везаш хилар, цох хьадоалаш дола зуламаш доккхий хилар. Из хоам «Сердало» газетага бир ювцача шахаьара зарбан болх лелабераша.
«Экстремизм, низ сага тӀахьош хилар бусалба динга диллача, из чӀоагӀа къа хулаш хӀама да. Баьтаранаькъан ИбрахӀима хьалхадаьккхар, динца дувзаденна дуккхадараш цу наькъ тӀа баьннарашта харцахьа дувцаш хилар, цудухьа кагирхой шоай кертаца дика уйла е езаш ба, харцахьарча наькъ тӀа цабалара», - аьлар дин викала.
Из кхетаче лаьрххӀа вӀашагӀъеллаяр, кагирхошта экстремистий никъ ма барра бовзийтара. Цу комиссе дӀахо а дӀахьоргба кагирхошта юкъе цу тайпара кхетам луш бола болх, кхыча дешара моттигашка а.
