АО « Газпром газ лоаттаю моттиг Наьсаре» яхача оагӀон балха тӀа ба массахана
20.02.2025 11:18
ЦӀаьхха шелал этта, газ ӀотӀатехай наха шоай фусамашка; цул совгӀа, йӀовхал ца тоъаш йӀовхал лоаттаергаш хьалсегай дуккханеша. Газ лоаттаеча, тӀахьожам беча оагӀон болхлой иштта хаоттам болча хана къаьстта чӀоагӀа кийча хул моллагӀа хатар ийккхача оарцагӀа гӀоргболаш. Из хоам «Сердалога» бир шахьара администраце.
«Тха беррига болхлой массахана кийча болаш ба моллагӀа хӀама хиннача гӀо де баха. Газа хьаж етталуш е газ хьаухаш хоаделча Ӏалаьмате чехка телефон тоха еза 04, 104 номерах», - аьлар цу оагӀон кулгал деча Лаьнанаькъан Элберда. Газацара кхоачамбоацараш юстардахара болх дӀахьош тоабаш я.
ХӀара тоабанца ши болхло ва, моллагӀа хатар ийккхача моттиге оарцагӀбахе, шоай гӀулакх чакхдоаккх цар.
