«ГӀадвугаш да, мехка паччахьалкхено дика зувш хилар, агропромышленни даькъ тӀара хьал, иштта эшачунна терко лоаттаеш хилар. ВӀашагӀкхетар дӀахьош, РФ паччахьалкхен председатела Мишустин Михаила белгалдир, хӀанзарча хьалашка хьежача, юртбоахам дегӀабоагӀаш латт ала йиш я, аьнна, из иштта да а да. Россе АПК тахан - из тешаме экономикан оагӀув я, арахьара никъ бийхкабар аьнна доацаш, пайдане хургйолаш а я. Из хьагойт укх массехк шера хьабаьча балхо. Цудухьа белгалдаккха безам ба, ГӀалгӀайчен агропромышленни оагӀув тӀехьарча шерашка дика дегӀайоагӀаш хилар. Республикан юртбоахамо хьагойт дика толамаш, из да паччахьалкхено дика новкъостал лоаттадар, иштта вай ахархоша дика къахьегар. Бакъда хьалхашка латташ кхы а дукха декхараш да, кхоачашде дезаш. Вай воашта могар дергда ГӀалгӀайчен юртбоахам ма хулла дикагӀа дегӀабоалабара», - аьлар Гаьгенаькъан Мухьмада.