Филармоне артисташ хьоашалгӀа баха кийчлуш ба
04.04.2024 11:30
Россе шахьарашка гӀолла, баха кийчлуш ба ГӀалгӀайчен Хамхой Ахьмада цӀерагӀча паччахьалкхен филармоне артисташ. Бекарга бетта 10-ча дийнахьа денз, дӀаболалургба уж шоай хьажархой гӀадбига. Шин кӀира, бекарга бетта 10-ча денгара 26-ча денга кхаччалца, уж хургба Волгограде, Самаре, Казане, Элисте; царга чӀоагӀа хьежаш ба нах.
«Бека пандар, ека оаз» яхача концерта чуйоагӀача программанна юкъе дӀааргда гӀалгӀай а эрсий а дика довзаш дола иллеш, гойтаргда Кавказа къамий халхараш, цецбоахаргба къаман хозаленашца, Ӏадаташца», - аьлар «Сердало» газетага ГӀалгӀайчен культуран Министерстве.
ГӀалгӀай артисташа хьош бола никъ тӀаберзабаь ба ГӀалгӀайчен хореографе говзал йовзийтара, иштта тайп-тайпарча къамех бола нах вӀаший гаргаозара.
