Археологашта лоаман Гӏалгӏайче наггахьа мара ца нийслу хӏама корайир
«Хамхи» яхача гӏалай комплекса даькъ тӏа тохкамаш деш ХVӏ бӏаьшерен оатхал корайир - къаьнара модж йоаша мукх, хьайбан сурта кеп тӏайолаш. Из тамашийна хӏама кораярах дийцар «Археоцентра» ООО кулгалхочун гӏончас Соловьев Дамира, из ва Гӏалгӏайчен лоаме ӏилман балхаш дӏахьош.
Цо яхачох, из да къаьнара модж йоаша мукх, вай хана из «унзара» лоархӏаргдар. Из даьд аьшка диттах; хетаргахьа, цу тӏа латт жӏале е пиллан сурт.
Соловьев Дамира белгалдир, цун лакха мах хилар, из хьадоагӏа ХVӏ бӏаьшеренгара денз, из хьадаьнна моттиг малхбузеневропейский оагӏув хила езаш я. Белгалде деза, е Малхбоален Европе е Россе цу тайпара хӏама кораяь цахилар. Бакъда ӏилман хоамашта юкъе корабир цох тара бола гӏирс, австрийски банкира, ХХ бӏаьшераш дӏадолалуш хиннача искусствоведа Фигдора Альберта цӏихезача гулламашта юкъе. Из цунга кхаьчабар 1935 шера, из лоархӏаш бар ХV-ча бӏаьшерен ханашкара, бакъда из хьабаьнна моттиг кхы а йовзаш яц.
Юххера, къамаьл доалаш, кхелахочо аьлар, Гӏалгӏайчене кораяьча хӏамо лоархӏаме моттиг дӏалоацаргья. Деррига балхаш чакхдаьнначул тӏехьагӏа, из дӏалургда Гӏалгӏайчен Паччахьалкхен мехктохкама музее. Говзанчаша йоах, из гӏирс ший исторически, ӏилман мах хиларга диллача; Паччахьалкхен Эрмитажа чуйоагӏача хӏамаел кӏезигагӏа лоархӏам болаш бац.
