Мехкарча архивни оагӏоно Росархива баркал кхайкадеш, моттиг хилар
Федеральни архивни агенства (Росархива) укх шерарча маьтсела бетта 26-28-ча деношка Магасе дӏайихьача СКФО, ЮФО архивни моттигий болхлой кхетачен тӏагӏолла; доккха баркал кхайкадир вай республикерча Паччахьалкхен архивни оагӏоно. «Сердалога» из хоам бир мехкарча ГАС.
«Федеральни архивни моттиге белгалдир, из кхетаче лакхача боараме дӏайихьа хилар, иштта цига дувца оттадаьраш тахан геттара лоархӏаме дола хаттараш хилар»,- йоах тхога кхаьчача хоамо.
Доккха баркал кхайкаду цар вай мехкадаьна Келаматанаькъан Махьмуд-ӏаьланна, мехкарча Паччахьалкхенна хьалха латтача Сластенин Владимира, из гӏулакх хьаллацарах, тӏехдика дӏадахьа гӏо дарах.
Вай республикерча архивни оагӏоно белгалдир, из деррига кхетачен доакъашхоша цхьана къахьегаш хьахинна долга, иштта теркалдир, дӏахойодача хана а, болх федеральни оагӏонца, РФ субъектай паччахьалкхен моттигашца бувзаме болаш дӏахьоргболга.
