Московски областе дӀайихьача яхьашка, котало яьккхар вай мехкахочо
09.02.2024 10:17
Езача атлетиках йолча, Московски областе дӀайихьача лоархӀамеча яхьашка дошув даьккхар вай мехкахочо. Из хоам «Сердало» газетага бир спорта гӀулакхах йолча министерствос.
«Йоккхача яхьашка вай мохк дӀахьокха аьттув баьлар Солсанаькъан Адама. 56 кийла йолча спортсменашта юкъе толаш хилар из. Галай Мурад ва, Адама тренер волаш, къахьегар. Россе цӀихеза хиннача тренера Окунев Михаила хетаяь хиннача ерригача Россе яхьашка венавар 400 совгӀа доакъашхо. Уж бар 10 шергара 15 шерга кхоачаш бола штангисташ. Олимпийски ловзарех чемпион волча Берестов Дмитре дӀадийкъар котбаьннарашта совгӀаташ», - йоах тхога бенача хоамо.
