Машинаш лелаерашка дех, нах юкъеувттабеш гӏулакхаш цалеладар
15.04.2026 10:53
Госавтоинспекце болхлоша наха хьалхадоаккх юкъе латтача нахага гӏолла дӏаязбара гӏулакхаш цалеладар, яхаш, дийцар «Сердало» газетага моттигерча МВД.
«Бахархой теркам тӏабохийт ГИБДД паччахьалкхен хьалаш электронни кепара леладара:
«Госуслуги яхача цаӏ йолча портале дlаязвелча, моллагӏча шоана аттагӏа йолча хана транспорта, тӏехьатессача гӏирсашта регистраци е таро я, кхыдола каьхаташ а иштта даха йиш я», - аьлар инспекце беча хоамо.
Уж гӏулакхаш кхыча нахага гӏолла леладечарна хьалхадоаккх, цар къамаьлах ӏеха ца луш ГИБДД МРЭО хьа а баьхка, уж шоаш хьадахар.
Беррига паччахьалкхен хьалаш лоаттадара бола хоам массахана а Госавтоинспекцега гӏолла хила беза. Из бокъо лелаеш хилча, хӏара саг, ха ца йоаеш, ший гӏулакх кхоачашде йиш йолаш ва.
