ГӀалгӀай къаман
юкъара газет

Кердадараш

ГӀалгӀайчен бахархошта БГТУ 14 лаьрххӀа йола моттиг лургья

ГӀалгӀай Республикан промышленноста, таьрахьий дегӀаахара министра Дорджиев Бадмас кхетаче дӀайихьар Белгорода паччахьалкхен Шухов В. Г. (БГТУ) цӀерагӀча технически университета викалашца, цун кулгалхо ва вай республике вена Глагольев Сергей Николаевич, яхаш, дувц «Сердало» газетага ГӀалгӀайчен таьрахьий дегӀаахара, промышленноста министерствон зарбан болх лелабераша.

«Цига къамаьл деш, дийцар дешарца дувзаденна дукха дешаш, таронаш: технически говзалаш, говзанчаш кийчбар, университетера дешара хьалаш. Иштта цига белгалдир, лакхарча дешара моттигашка, кхыча юкъера профессиональни дешара моттигашка деша оттара, укхаза бахача наха 14 моттиг яла шоаш кийча хиларах», - йоах хоамо.

Белгалдаккха дезаш да, Шухов В. Г. цӀерагӀча БГТУ дика таронаш хилар: дика дешара, хӀама хьакхоллара таронаш. Университете технически балхаш Ӏомаду, таханарча промышленносте эшаш дола. Безам барашта хьалхашка хьаеллаш я университете деша оттара йола таронаш. Из безам тӀабодаш хургба ГӀалгӀай Республикан кагирхой, хӀана аьлча цу университете царна лаьрхӀ 14 моттиг хьакъоастаяьй.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде