ВӀаший сатохаш хиларах, дувц республикерча библиотека болхлоша
17.11.2023 12:01
Наха юкъерча бувзамий, вӀаший кхеташ, сатохаш хилара денна хетабаь; боккха гойтам дӀабихьар къаман библиотеке. Гойтама керттера декхар - мехкара тайп-тайпара къамаш вӀаший лоархӀаш, моллагӀча хӀаман тӀехьа шоайла кхеташ, Ӏадаташ, оамалаш лоархӀаш хилар мел лоархӀаме да дӀадовзийтар.
«Гойтаме хьокха оттадаьраша сага кхетама дукха хӀама довзийт. Вай боккхача мехка Ӏеш дукха къамаш да. Кхыча къаман Ӏадат лоархӀаш, вӀаший бувзам лелабеш, шоайла кхеташ хилар лоархӀаме да тахан. ВӀаший лерхӀам болаш хила деза вай дерригаш», - дийцар «Сердало» газетага къаман библиотекан болхлоша.
Уж дог-тийша ба, иштта къамашта юкъера барт чӀоагӀбеш болча гойтамах пайда бергба, аьнна.
